Në takimin e fundit zyrtar përpara largimit, me Ambasadorin Britanik në Tiranë Alastair King-Smith

DREJTORIA E MARRËDHËNIEVE ME PUBLIKUN (MEDIAN) DHE ME JASHTË

Në takimin e fundit zyrtar përpara largimit, me Ambasadorin Britanik në Tiranë Alastair King-Smith. Partneriteti vazhdon mes nesh. Lidhja është afatgjatë. Britania e Madhe siguron mbështetjen e vazhdueshme për sistemin e drejtësisë në Shqipëri. 
Sokol Sadushi: Dëshiroj të theksoj mbështetjen dhe inkurajimin tuaj të palëkundur për fillimin e Projektit të Partneritetit Gjyqësor Mbretëri e Bashkuar-Shqipëri në maj 2024. Kam vlerësuar shumë personalisht ndërveprimet tona dhe njohuritë që keni ndarë. Aftësia juaj për të trajtuar çështje të ndërlikuara ndërkombëtare ka fituar respekt dhe admirim të lartë nga të gjitha palët.