Kryetari i Gjykatës së Lartë Z. Sokol Sadushi merr pjesë në Kongresin XV të shoqatës IASAJ, organizuar Santiago, Kili 2-4 prill 2025

DREJTORIA E MARRËDHËNIEVE ME PUBLIKUN (MEDIAN) DHE ME JASHTË

Kryetari i Gjykatës së Lartë, Z. Sokol Sadushi, merr pjesë në Kongresin XV të shoqatës IASAJ, me temë: “Juridiksioni administrativ, interesi publik dhe gjyqtari”. Në këtë aktivitet, shoqërohet nga anëtari i Gjykatës së Lartë, z. Gentian Medja.
Delegacioni nga Shqipëria ndodhet në Kili në kuadër të anëtarësisë së plotë të Gjykata e Lartë e Republikës së Shqipërisë - Supreme Court of the Republic of Albania në Shoqatën Ndërkombëtare të Juridiksioneve të Larta Administrative (IASAJ) si edhe me ftesë të Kryetarit të Gjykatës së Lartë të Drejtësisë së Kilit, z. Ricardo Blanco Herrera.
Asambleja e Përgjithshme e IASAJ do të mbahet në datën 4 prill.

Gjykata e Lartë është anëtare me të drejta të plota në Shoqatën IASAJ që në 2 tetor 2023. IASAJ ka 62 anëtarë ku përfshihen: Gjykatat e Larta, Gjykatat e Larta Administrative,  Këshillat e Shtetit të vendeve të ndryshme, si dhe Gjykata Evropiane e Drejtësisë.