VENDIM
Nr. 1, datë 09.04.2020
PËR CAKTIMIN E GJYQTARËVE NË PËRBËRJE TË KOLEGJEVE TË GJYKATËS SË LARTË
Në mbështetje të nenit 27 pika 1, nenit 28 pika 6 dhe 7, nenit 31, si edhe të nenit 38 shkronja “9” të ligjit nr.98/2016 “Për organizimin e pushtetit gjyqësor në Republikën e Shqipërisë”, pasi shqyrtoi materialin me shkrim që përmban të dhënat mbi numrin, llojin, natyrën dhe kohën e paraqitjes së çështjeve gjyqësore dhe numrin e gjyqtarëve e të këshilltarëvc ligjorë në detyrë pranë Gjykatës së Lartë, si edhe pasi vlerësoi mendimin e dhënë nga Mbledhja e Përgjithshme e Gjyqtarëve të Gjykatës së Lartë, Këshilli i Gjykatës
VENDOSI:
1. Caktimin e gjyqtarëve në përbërje të Kolegjeve të Gjykatës së Lartë, si më poshtë:
a) Në përbërje të Kolegjit Civil : z. Ardian Dvorani dhe z. Ervin Pupe ;
b) Në përbërje të Kolegjit Penal : z. Ilir Panda ;
c) Në përbërje të Kolegjit Administrativ : z. Sokol Sadushi.
2. Sipas kompetencave të caktuara në nenin 25 të ligjit nr.98/2016, kancelari i Gjykatës
së Lartë të procedojë me realizimin e procedurave të shortit për ndarjen e të gjitha çështjeve gjyqësore, sipas llojit te tyre, gjyqtarëve të caktuar në përbërje të secilit prej tre kolegjeve të Gjykatës së Lartë.
3. Për të gjitha çështjet gjyqësore që i kane studiuar dhe përgatitur për relatim , këshilltarët ligjorë të Njësisë së Shërbimit Ligjor të realizojnë veprimet ndihmëse dhe këshilluese pranë kolegjeve përkatëse, në varësi të llojit të këtyre çështjeve.
Ky vendim hyn në fuqi menjëherë dhe publikohet në faqen zyrtare të Gjykatës së Lartë.
VENDIM
Nr. 2, datë 09.04.2020
PËR CAKTIMIN E GJYQTARËVE NË PËRBËRJE TË TRUPAVE GJYKUESE TË KOLEGJEVE TË GJYKATËS SË LARTË
Në mbështetje të nenit 27 pika 1, nenit 28 pika 6 dhe 7, nenit 3l, si edhe te nenit 38 shkronja "c" të ligjit nr.98/2016 "Për organizimin e pushtetit gjyqësor në Republikën e Shqipërisë", pasi shqyrtoi materialin me shkrim që përmban të dhënat mbi numrin, llojin, natyrën dhe kohën e paraqitjes së çështjeve gjyqësore dhe numrin e gjyqtarëve e të këshilltarëve ligjorënë detyrë pranë Gjykatës së Lartë, si edhe pasi vlerësoi mendimin e dhënë nga Mbledhja e Përgjithshme e Gjyqtarëve të Gjykatës së Lartë, Këshilli i Gjykatës
VENDOSI:
I. Caktimin e gjyqtarëve në përbërje të trupave gjykuese të secilit Kolegj të Gjykatës së Larte, si më poshtë:
a) Trupa gjykuese e Kolegjit Civil të jetë me këtë përbërje: z. Ardian Dvorani, z. Ervin Pupe, z.Sokol Sadushi (gjyqtar plotësues);
b) Trupa gjykuese e Kolegjit Penaltë jetë me këtë përbërje:z.Ilir Panda,z.Ardian Dvorani (gjyqtar plotësues), z. Ervin Pupe (gjyqtar plotësues) ;
c) Trupa gjykuese e Kolegjit Administrativ të jetë me këtë përbërje: z. Sokol Sadushi, z. Ardian Dvorani (gjyqtar plotësues), z. llir Panda (gjyqtar plotësues).
2. Në rast të mungesave objektive dhe pengesave ligjore, përbërja e Kolegjit përkatës plotësohet nga gjyqtari i katërt që nuk është caktuar në përbërjen e përhershme të trupës gjykuese përkatëse sipas pikës l më sipër.
Ky vendim hyn në fuqi menjëherë dhe publikohet në faqen zyrtare të Gjykatës së Lartë.
