Organizimi i aktivitetit “Kujtesë, Histori, Drejtësi” ishtë mënyra simbolike me të cilën Gjykata e Lartë përkujtoi 10 majin Ditën Kombëtare të Drejtësisë. Në një takim të zhvilluar me mbështetjen e Këshillit të Evropës, personalitete të larta të fushës së drejtësisë, gjyqësorit, studjues të së drejtës dhe ish-anëtarë të Gjykatës së Lartë ndër vite, dhanë sot kontributin e tyre në kujtim të ditës e cila iu kushtua drejtësisë shqiptare, pas miratimit të aktit të parë juridik Kanunit të Zhurisë, 1913.

Gjykata e Lartë prezantoi më këtë rast edhe dy botime të saja që i kushtohen kujtesës historike të sistemit të drejtësisë, si dhe vendimmarrjes së përzgjedhur të viteve të fundit të Gjykatës së Lartë (2016-2021)

Aktiviteti u përshëndet nga Zëvendëkryetari i Gjykatës së Lartë Z. Sokol Sadushi, Kryetarja e Këshillit të Lartë Gjyqësor Znj. Naureda Llagami, Zëvendëdrejtuesi i Zyrës së Këshillit të Evropës në Tiranë Z. Olsi Dekovi, studjuesit ë se drejtës Z. Ismet Elezi, Z.Niazi Jaho dhe Znj. Aurela Anastasi si edhe Znj. Lorena Çabej, ndihmësmagjistrate në Gjykatën e Lartë.

Fjalën e plotë të Zëvendëskryetarit të Gjykatës së Lartë Z. Sokol Sadushi, mund ta lexoni të plotë këtu: